“Севгилим”

“Севгилим” (“Saajan”) – 1991 йилда катта экранларга чиққан режиссёр Лоуренс Д'Соузанинг ҳиндий тилидаги фильми. Бош ролларни Санжай Датт, Мадхури Дикшит ва Салмон Хон ўйнади. Шунингдек, Рима Лагу, Қодир Хон, Экта Сохини каби актёрлар жамоаси суратга тушди.

“Айблов”

“Айблов” (“Pratikar”) – режиссёр Т. Рама Рао ҳиндий тилида суратга олган ва 1991 йилда катта экранларга чиққан драматик жангари фильм. Продюсер – Фероз Надидвала.

“Ҳеч нимага қарамай”

“Ҳеч нимага қарамай” (“Khilaaf”) – Ражив Нагпал суратга олган фильм. 1991 йилда экранларга чиққан кинокартинага Анил Тарика продюсерлик қилди. Бош ролларни Мадхури Дикшит ва Чанки Пандей ижро этди. Шунингдек, Анупам Кхер, Баблу Махержи, Нодира, Махеш Ананд, Аруна Иранини турли образларда кўриш мумкин.

“Ҳурматга эга одам”

“Ҳурматга эга одам” (“Izzatdaar”) – режиссёрлар К. Бапайя ва Ж. Хемамбарнинг 1990 йилда “Divya Films International” баннери остида экранларга чиққан ҳиндий тилидаги фильми. Унда Дилип Кумар, Говинда, Мадхури Дикшит, Анупам Кхер, Рагхуваран, Асрани, Шафи Инамдар суратга тушди.

“Мендан девонароғи йўқ”

“Мендан девонароғи йўқ” (“Deewana Mujh Sa Nahin”) – режиссёр Й. Нагешвар Раонинг 1990 йилда экранларга чиққан ҳиндий тилидаги романтик драмаси. Фильмда асосий ролларни Амир Хон, Мадхури Дикшит ва Жаинендра ижро этди. Бундан ташқари, Кхушбу, Сатиендра Капур, Динеш Хингу, Бина Банержи суратга тушди.

“Кишан ва Канхайя”

“Кишан ва Канхайя” (“Kishen Kanhaiya”) 1990 йилда ҳиндий тилида режиссёр Ракеш Рошан томонидан суратга олинган. Дилип Кумар иштирокидаги “Рам ва Шьям” (1967 йил) фильмининг ремейки саналади. Киноижарадаги тушумларига кўра, 1990 йилда ҳиндий тилидаги энг кассабоп фильмлар рўйхатида бешинчи ўринни эгаллади.

“Севги маъбуди”

"Севги маъбуди” (“Pyar Ka Devta”) – 1991 йилда катта экранларга чиққан К. Бапайянинг ҳиндий тилидаги фильми. Диалогларни Қодир Хон, сценарийни Баламуруган ёзди. Продюсер – Лалит Капур.