“Tezaab” (“Оташин эҳтирос”) фильмини 1988 йилда режиссёр Н. Чандра суратга олди, Н. Чандра продюсерлик қилди. Фильмда бош ролларни Анил Капур, Мадхури Дикшит, Анупам Кхер, Чанки Пандей ўйнади. Шунингдек, Мандакини, Киран Кумар, Суреш Оберой суратга тушди. Фильмдаги кўп қўшиқлар хитга айланди, хусусан, “Ek Do Teen” қўшиғи. Бу қўшиқ Мадхури фильмографиясида муҳим ўрин тутади. Сарож Хон ана шу қўшиққа саҳналаштирган рақси учун “Энг яхши хореограф” сифатида, қўшиқ ижроси учун эса Алка Ягник “Кадр ортидаги энг яхши аёл қўшиқчи” сифатида “34th Filmfare Awards” билан тақдирланди.
“Оташин эҳтирос” мусиқасини Лакшмикант-Пьярелал ёзди.
Фильм 12та номинациясида 34th Filmfare Awardsга номзод қилиб кўрсатилди. Анил Капур энг яхши актёр сифатида, энг яхши диалоглар учун Камлеш Пандей мукофотни қўлга киритди.
“Оташин эҳтирос” телугу тилида суратга олиниб, “Two Town Rowdy” деб номланди. Шунингдек, тамиль тилида ҳам қайта ишланди.
Фильм саундтреклари альбоми 8 миллиондан кўпроқ нусхада сотилди ва “Qayamat Se Qayamat Tak” фильми саундтрекларидан сўнг Болливуднинг 1988 йилдаги энг кўп сотилган альбомлари рейтингида иккинчи ўринни эгаллади.
“Ek Do Teen” саундтреки “Baaghi 2” фильми учун Шрея Гхошал талқинида ижро этилди. “So Gaya Yeh Jahan” саундтреки бошқа фильм учун қайта куйланди.
Комментариев нет:
Отправить комментарий